Monata Festo de OI por majo,2014

- Oni pritraktis ankaŭ pri la memoraj eventoj por 10a
datreveno de OI -

La monata festo de OI por majo 2014, okazis en la 4a
de majo, de la 5a horo ptm. En tiu ĉi sama tago okazis
ankaŭ la kunveno de BEL-estraranoj kaj tiuj Oomotanoj,
kiuj apartenas al la estraro de BEL, ĉeestis la kunvenon;
sekve, la adorvizitantoj en la monata festo estis iom
malmultaj.
Post la celebrado okazis la interkonsiliĝo pri la memoraj
eventoj de la 10a datreveno de la fondiĝo de OI,
kun d-ro Licio de Almeida,iama prezedanto de BEL kaj
s-ino Sonya Lucya, nuna prezidanto de BEA
(Brazilja Esperanto-Asocio),
profitante la adorviziton de ambaŭ. Sonya diris:
”Koncerne la ofermonon por konstrui la monumenton,
jam multaj esperantistoj sin anoncas.
Estu do trankvila!”
Koncerne la ŝton-materialon, estis decidite ke en proksima
tempo koncernatoj vizitos la urbon Alto Paraiso por serĉi
la taŭgan ŝtonegon, ĉar Alto paraiso estas bone konata loko,
kie multaj belaj ŝtonegoj estas produktataj.